BQO-da 8 ózbekstandyq elden shyǵaryldy, olar 5 jylǵa deıin Qazaqstanǵa kele almaıdy

ORAL. QazAqparat – Batys Qazaqstan oblysynda kóshi-qon zańnamasyn buzǵan 8 ózbekstandyq elden shyǵaryldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, kóshi-qon qyzmeti basqarmasy sot sheshimin oryndaý maqsatynda QR kóshi-qon zańnamasyn buzǵany úshin ákimshilik jaýapkershilikke tartylǵan Ózbekstannyń 7 azamatyn májbúrli túrde elden shyǵardy.

«Sonymen qatar, Bórli aýdany polıtsııa bólimi kóshi-qon qyzmeti tobynyń ınspektory, polıtsııa kapıtany Saýalat Turymov júrgizgen jedel izdestirý is-sharasy barysynda budan buryn aýdandyq sot sheshimimen elden shyǵarylǵan ózbekstandyq azamattyń Aqtaý qalasy aýmaǵynda júrgenin anyqtady. Ol 2022 jyldyń tamyzynan beri izdestirilgen bolatyn. Kóshi-qon zańnamasyn buzǵandardyń bári «Tájen» baqylaý-ótkizý beketi arqyly shyǵarylyp, 5 jyl merzimge Qazaqstanǵa kirýge tyıym salyndy», - dep habarlady vedomstvodan.