BQO-da 6 myńǵa jýyq adam sý tasqynymen kúresip jatyr

<p>ASTANA. KAZINFORM &ndash; Batys Qazaqstan oblysynda sý tasyǵan aýmaqtardan 13 myńnan astam adam evakýatsııalandy. Bul týraly BQO ákimdigi baspasóz qyzmetiniń jetekshisi Erhan Tatken málim etti.</p>

«Jaıyqtyń boıyndaǵy eldi mekenderge táýlik boıy kezekshilik qoıyldy. Qaýipti aýmaqtardan adamdardy evakýatsııalap jatyr. Sonymen qatar úı janýarlary da qaýipsiz jerlerge kóshirilýde. Sý tasqyny bastalǵaly beri 13 myńnan astam adam evakýatsııalandy, onyń ishinde 7 myńnan astamy eresek azamattar bolsa, 6 myńǵa jýyǵy bala. Búgingi tańda oblys boıynsha 18 evakýatsııalyq pýnkte 2 myńǵa jýyq adam ornalasty. Olarǵa qajetti zattar men azyq-túlik ýaqytyly jetkizilýde», - dedi Erhan Tatken OKQ-de ótken brıfıngige ZOOM arqyly qatysa otyryp. 

Sondaı-aq, BQO ákimdiginiń baspasóz hatshysy sý tasqynynan zardap shekken otbasylardan 185 bala respýblıkalyq lagerlerde joldama alǵanyn aıtty. 

«Sý tasqynyna qarsy is-sharalarǵa oblystan jáne basqa aımaqtardan barlyǵy 6 myńǵa jýyq adam men 1 myńnan astam tehnıka jumyldyryldy. Sý tasqynynyń aldyn alý jáne saldaryn joıý úshin qutqarýshylar, tótenshe jaǵdaı mamandary, kommýnaldyq qyzmetter, kúshtik qurylymdar, volenterler jáne turǵyndar bar kúsh-jigerlerin salýda», - deıdi ol. 

Buǵan deıin habarlaǵanymyzdaı 17-19 sáýir kúnderi Reseıdiń Orynbor oblysynan Jaıyq ózinine (BQO) iri kólemde sý keledi degen boljam jasaldy.