Batys Qazaqstan oblysynda 5 adam qaza tapqan jol apatynan keıin aýrýhanaǵa jetkizilgen sábıdiń jaǵdaıy aýyr, dep habarlaıdy Kazinform.
BQO Densaýlyq saqtaý basqarmasynyń baspasóz qyzmetinen málim etkendeı, 2022 jylǵy (1 jas 9 aı) sábı anasymen birge kele jatqan.
«Jol apaty saldarynan anasy qaıtys bolǵan da, ul bala túrli jaraqatpen Jańaqala aýdandyq aýrýhanasyna jetkizildi. Qazirgi ýaqytta ekinshi dárejedegi travmatıkalyq shok alǵan náresteniń jaǵdaıy turaqty aýyr. Aýdandyq aýrýhana dárigeri jáne medbıkemen birge oblystyq kópbeıindi balalar aýrýhanasynyń neırohırýrgııa-travmatologııa bólimine jiberildi», - dep habarlady vedomstvodan.
Eske sala keteıik, budan buryn Batys Qazaqstanda jantúrshigerlik jol apatynan 5 adamnyń kóz jumǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).