BQO-da 47 jylqyny ruqsatsyz alyp bara jatqan avtokólik ustaldy

<p>ORAL. KAZINFORM - Batys Qazaqstan oblysynda 47 jylqyny ruqsatsyz alyp bara jatqan júk kóligi ustaldy.</p>

BQO polıtsııa departamentiniń baspasóz qyzmetinen málim etkenindeı, oqıǵa 31 tamyz kúni Shyńǵyrlaý aýdany aýmaǵynda boldy.

"Patrýldik polıtsııa batalonynyń qyzmetkerleri Samara-Shymkent kúre jolynda 47 jylqy tıelgen "Volvo" júk kóligin toqtatqan. Júrgizýshide tasymaldaý qujattary bolmaǵan. Atalǵan derek boıynsha materıal jınaqtalyp, sheshim qabyldap, jaýapkershilikke tartý úshin veterınarlyq ınspektsııaǵa berildi. Qazirgi kezde oqıǵanyń mán-jaıy anyqtalyp jatyr", - dep habarlady vedomstvodan.

Eske sala keteıik, budan buryn BQO turǵyny aýyldasynyń shóbine ot qoıyp, tórt úıde 30 tonna pishen janyp ketkenin jazǵan bolatynbyz.

Bul oqıǵa da Shyńǵyrlaý aýdanynda bolǵan edi.