BQO-da 266 myńnan astam adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 266 325 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, bul – egilýge jatatyn turǵyndardyń 64,2 paıyzy.

Sondaı-aq 248 959 adam (60 paıyz) ekinshi komponentpen egildi.

Kúni búgin oblysta 83 405 doza І, 125 035 doza ІІ komponent ekpe bar.

Óńirde 42 546 adam revaktsınatsııadan ótti. Oǵan qosa 8 561 adam Pfizer vatsınasyn qabyldasa, sonyń 4 414-i – jasóspirimder, 300-i – júkti, 3 847-si – bala emizetin áıelder.

Basqarmadan túsken málimetke qaraǵanda, pandemııa bastalǵannan beri 47 053, sonyń ishind bıyl 6 983 naýqas anyqtaldy.

Qazirgi kezde 751 tósektik 14 ınfektsııalyq statsıonarda 361 adam emdelýde. Aýrýhanalar 48,1 paıyzǵa tolǵan. Jansaqtaý bólimshesinde jatqan 16 naýqastyń 10-y ınvazıvti emes jasandy tynys alý apparatyna, tórteýi ottegi kontsentratoryna qosylǵan.

Jyl basynan beri 9 adam koronavırýstan kóz jumdy.

Eske sala keteıik, budan buryn BQO-da jınalys, konferentsııalardy ótkizýge ruqsat berilgenin jazǵan bolatynbyz.