BQO-da 225 myńǵa jýyq adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 224 319 adamǵa koronavırýsqa qarsy vaktsınanyń birinshi komponenti egildi, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, bul – egilýge tıisti turǵyndardyń 62,3 paıyzy.

Sonyń ishinde 201 746-sy (56 paıyz) ekinshi komponentti qabyldady.

Ótken táýlikte 586 adam birinshi komponentti saldyrdy. Sonyń ishinde 57-si – sozylmaly syrqaty bar adamdar, 10-y – stýdent, 8-i – pedagog.

Basqarma málimetine qaraǵanda, pandemııa bastalǵannan beri 37 810 naýqas tirkeldi. Jyl basynan beri syrqattanǵan 28 589 adamnyń 19 766-synda aýrý belgileri boldy.

Bıyl 2667 baladan indet anyqtalsa, 2589-y jazylyp shyqty. 78-i emdelý ústinde.

Qazirgi tańda 959 adam ambýlatorııalyq em alýda. Oblys statsıonarlarynda 316 naýqas jatsa, sonyń 27-si aýyr halde. Úsheýi ınvazıvti jasandy tynys alý apparatyna qosylǵan.

Eske sala keteıik, budan buryn BQO-da 1 myńǵa jýyq naýqastyń koronavırýstan úıinde emdelip jatqanyn jazǵan bolatynbyz.