BQO-da 22 myń maskany alyp ketip bara jatqan reseılik ustaldy

ORAL. QazAqparat – Batys Qazaqstan oblysynda 22 myń danaǵa jýyq medıtsınalyq maskany alyp ketip bara jatqan reseılik azamat ustaldy, dep habarlaıdy QazAqparat tilshisi.

QR UQK Shekara qyzmeti 2029-áskerı bólimi komandıriniń orynbasary Asqar Qazbekovtiń málimdeýinshe, oqıǵa 24 naýryz kúni saǵat 19.00-de «Syrym» ótkizý beketinde bolǵan.

Shekarashylar Oral-Samara baǵytynda reseılik azamat aıdap bara jatqan avtokólikti qaraǵan kezde 9 jol sómkesi tabyldy.

Іlespe qujatynda «Toqyma, 200 kg» dep kórsetilgenimen, ol 21 875 dana medıtsınalyq maska bolyp shyqty. Taýardyń quny shamamen – 3 mln teńge.

Júk Oral qalasyndaǵy «KazExpress» kompanııasynan jóneltilgen.

Avtokólikti BQO boıynsha ekonomıkalyq tergeý departamentine berý kózdelýde.

Eske sala keteıik, budan buryn BQO-da 26 tonna medıtsına qolǵabyn Máskeýge apara jatqan júk kóligi ustalǵanyn jazǵan bolatynbyz.