BQO-da 201 myńnan astam koronavırýsqa qarsy vaktsına saldyrdy

ORAL. QazAqparat – Batys Qazaqstan oblysynda 201 505 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, óńirde 360 myń adam egilýi tıis bolsa, bul – sonyń 56 paıyzy.

Sonyń ishinde 165 740-y nemese 46 paıyzy ekinshi komponentti qabyldady.

Aýmaqtyq bólinister boıynsha Jánibek aýdany alda keledi. Munda 8285 adamnyń 5830-i nemese 70,4 paıyzy birinshi, 5058-i (61,1 paıyzy) ekinshi komponentpen egildi. Sondaı-aq Tasqala, Qaratóbe, Báıterek aýdandarynda qarqyn jaman emes. Shyńǵyrlaý jáne Jańaqala aýdandary kósh sońynda tur.

Oral qalasynda 215 461 adamnyń 106 611-i (49,5 paıyzy) birinshi, 87 866-sy ekinshi komponentpen egildi.

Oblysta turǵyndardy egý jumystary odan ári jalǵasýda.

Eske sala keteıik, budan buryn Batys Qazaqstanda sońǵy tórt kúnde 340 adamnan koronavırýs tabylǵanyn jazǵan bolatynbyz.