BQO-da 200 myńǵa jýyq adam koronavırýs ekpesin saldyrdy

ORAL. QazAqparat – Batys Qazaqstan oblysynda 194 811 adam koronavırýs vaktsınasynyń birinshi komponentin saldyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, óńirde 360 myń turǵyn vaktsına alýy tıis bolsa, sonyń 54,1 paıyzy birinshi komponentpen egildi.

Sondaı-aq 154 314-i nemese 42,9 paıyzy ekinshi komponentti qabyldap úlgerdi.

Oblys ortalyǵynda 215 461 adamnyń 103 277-si (47,9 paıyzy) birinshi, 81 035-i (37,6 paıyzy) ekinshi komponentpen egildi.

Vaktsınatsııalaý jóninen oblys boıynsha eń joǵary kórsetkish Jánibek aýdanynda. Munda 8285 adamnyń 5682-si nemese 68,6 paıyzy birinshi, 4951-i (59,8 paıyzy) ekinshi komponentti qabyldady. Al Jańaqala aýdany kósh sońynda keledi. Bul aýdanda vaktsınanyń birinshi komponentin saldyrǵandardyń (12 281 adamnyń 4940-y) sany ázirge 40,2 paıyzdan asqan joq. Ekinshi komponentin alǵandar (3736) – 30,4 paıyz.

Departament málimetine qaraǵanda, óńirde 47 egý kabıneti jumys jasap jatyr.

Eske sala keteıik, budan buryn Batys Qazaqstanda pedagogtardyń 95,1 paıyzy ekpe alǵanyn jazǵan bolatynbyz.