BQO-da 200-den astam áleýmettik nysandar men ınfraqurylymdar jańartyldy

ORAL. QazAqparat - Memleket basshysynyń sheshimimen ótken jyly Batys Qazaqstan oblysyna jumyspen qamtý maqsatynda qosymsha 5 mlrd. teńge bólindi, dep habarlaıdy «QazAqparat» HAA tilshisi.

Oblys ákimi Altaı Kólginovtiń aıtýynsha, sonyń nátıjesinde óńirde 200-den astam áleýmettik nysandar men ınfraqurylymdar jańartyldy. Mysaly, irge kótergenine qyryq jyl bolǵan Aqjaıyq aýdandyq aýrýhanasy 370 mln. teńgege kúrdeli jóndeýden ótkizildi. Sol sekildi Terekti aýdany ortalyǵy Fedorov aýylynda salynǵanyna jarty ǵasyr bolǵan orta mektep ǵımaraty 165 mln. teńgege qaıta túledi. Munda qazir 400 shákirt bilim alýda.

Barlyq baǵyttar boıynsha oblysta 22 myńnan astam adam jumyspen qamtylsa, sonyń ishinde 6 myńnan astamy turaqty eńbek ornyn tapty.

«Munyń bári - Elbasy usynǵan «100 naqty qadam» Ult josparynyń, «Nurly jol», «Bıznestiń jol kartasy - 2020», «Jumyspen qamtýdyń jol kartasy - 2020», óńirlerdi damytý jáne basqa baǵdarlamalardyń jemisi. Bul baǵyttaǵy jumystar bıyl da jalǵasatyn bolady», dedi óńir basshysy.