BQO-da 20 tonna kıim tıelgen júk kóliginiń tirkemesi janyp ketti
BQO TJ departamentiniń baspasóz qyzmetinen málim etkenindeı, oqıǵa 28 tamyz kúni Terekti aýdany aýmaǵynda boldy.
«Saǵat 17.03-te 101 telefonyna Samara-Shymkent tas jolynyń 311-shaqyrymynda jartylaı tirkemeniń janyp jatqany jóninde habar túsken. Órt sóndirýshiler oqıǵa ornyna jetken kezde DAF markaly júk kóliginiń jartylaı tirkemesi jáne 3 ga aýmaqta qurǵaq shóptiń otqa oranǵany anyqtaldy. 25 jastaǵy qyrǵyzstandyq júrgizýshi Qyrǵystannan Máskeýge bara jatqan. Tirkemede 20 tonna kıim-keshek bolǵan. Tilsiz jaý órt sóndirýshilerdiń kúshimen (14 adam, 3 tehnıka) saǵat 20.45-te oqshaýlanyp, 21.52-de aýyzdyqtaldy. Qazir oqıǵanyń sebep-saldary, keltirilgen shyǵyn anyqtalý ústinde. Zardap shekkender joq», - dep habarlady vedomstvodan.
BQO TJ departamentinen túsken málimetke qaraǵanda, óńirde jyl basynan beri 88 avtokólik órtenip ketti.
Eske sala keteıik, budan buryn Batys Qazaqstan oblysynda 200 tonnaǵa jýyq pishenniń otqa oranǵanyn jazǵan edik.