BQO-da 20 mlrd teńgege alys aýdandarǵa 129 shaqyrym jol salynady

ORAL. QazAqparat – Bıyl shalǵaıdaǵy Jánibek, Bókeı ordasy aýdandaryn oblys ortalyǵymen baılanystyratyn joldy jóndeýdi jalǵastyrýǵa respýblıkalyq bıýdjetten 20 mlrd teńge bólinip, 129 shaqyrym jol salynady, dep habarlaıdy QazAqparat tilshisi.

Oblys ákimi Ǵalı Esqalıev turǵyndarmen eseptik kezdesýinde málim etkendeı, ótken jyly osy eki aýdan baǵytyndaǵy jol qurylysy pandemııaǵa baılanysty kesheýildese, bıyl qarqyn alatyn bolady.

Óńir basshysynyń aıtýynsha, 2020 jyly 42,3 mlrd teńgege 436 shaqyrym jol jóndeldi.

Ótken jyly oblystyq jáne aýdandyq mańyzy bar joldardy jóndeý úshin 12,7 mlrd teńge jumsalyp, 192 shaqyrym jol jóndeldi. 2021 jyly osy baǵytta 220 shaqyrym joldy jóndeý josparlanýda.

«Eldi mekenderdiń joldaryn jóndeý boıynsha da aıtarlyqtaı jumys atqaryldy. Ótken jyly 101 shaqyrym aýylishilik joldar jóndeldi. Bul – sońǵy 5 jyldaǵy eń jaqsy kórsetkish. 2020 jyly Oral qalasynyń 46,2 shaqyrymdy quraıtyn 41 kóshesine asfalt tóseldi. «Munaı bazasy» aýdanyndaǵy kópir qaıta iske qosyldy. Oblys ortalyǵynda joldardy jóndeýge bıyl 560 mln teńge qarastyryldy. Qazirgi ýaqytta 2021 jylǵa oblys boıynsha 41,5 mlrd teńge qarajatqa 378 shaqyrym joldy jóndeý kózdelýde», dedi Ǵ.Esqalıev.

Eske sala keteıik, budan buryn BQO-da turǵyn úılerdi iske qosý 9,1 paıyzǵa artqanyn jazǵan bolatynbyz.