BQO-da 2 turǵyn úı qorasymen birge órtenip ketti
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa búgin, saǵat túski 2 shamasynda Jánibek aýdany ortalyǵy Jánibek aýylynda boldy.
Áýeli Ábdirahmanov kóshesinde shóp qora janǵan. Sodan kúshti jeldiń saldarynan órt B.Jánekeshev kóshesi, 105 jáne 180-úılerge aýysyp, úı men qora-qopsylarymen túgeldeı janyp ketti. Oǵan qosa taǵy eki úıdiń qorasy men bir úıdiń garajy otqa orandy.
Іri órtti aýyzdyqtaýǵa jergilikti turǵyndar, tehnıkalarmen qatar kórshiles aýdandar men Oral qalasynan órt sóndirýshiler tartyldy.
Saǵat 18.12-de beti qaıtqan órtten zardap shekkender joq.
Qazirgi kezde órttiń shyǵý sebebi anyqtalyp jatyr.
Eske sala keteıik, budan buryn BQO-da ekpindi jel aýdandyq sot ǵımaratynyń shatyryn ushyryp áketkenin jazǵan bolatynbyz.