BQO-da 132 shaqyrym gaz qubyry memleket menshigine alyndy

<p>ORAL. KAZINFORM &ndash; Batys Qazaqstan oblysynda Qaratóbe aýdany prokýratýrasy júrgizgen taldaý nátıjesinde eldi mekenderdi tabıǵı gazben qamtamasyz etetin 132 km gaz tasymaldaý jelileriniń ıesiz ekeni anyqtaldy.&nbsp;</p>

BQO prokýratýrasynan málim etkenindeı, paıdalaný erejeleri men saqtyq sharalaryn muqııat saqtaýdy talap etetin ıesiz múlikke ýaqtyly qyzmet kórsetý sharalaryn qoldanbaý gazdyń úzdiksiz jetkizilýine áser etip qana qoımaı, sonymen qatar jergilikti turǵyndar men qorshaǵan ortaǵa qaýip tóndiredi. 

«Osyǵan baılanysty jergilikti atqarýshy organdar prokýrorlardyń sharalary boıynsha gaz qubyryn sot arqyly memleket menshigine aldy. Gaz qubyryn memleket menshigine alý aldaǵy ýaqytta gazben qaýipsiz qamtamasyz etý jáne gaz qubyrlary men basqa da gaz taratý jelileriniń zaqymdanýyn boldyrmaý boıynsha tıisti sharalardy júzege asyrýǵa múmkindik beredi», - dep habarlady vedomstvodan.

Eske sala keteıik, budan buryn Batys Qazaqstan oblysynda 9 balanyń terezeden qulap ketkenin jazǵan edik.