BQO-da 13 maıdangerdiń súıegi tabyldy

BÓKEI ORDASY. QazAqparat - Batys Qazaqstan oblysynyń Bókeı Ordasy aýdanynda Ekinshi dúnıejúzilik soǵys kezinde qyrshyn ketken 13 sarbazdyń súıekteri tabyldy. Bul týraly QazAqparat «Habar 24» telearnasyna silteme jasap habarlaıdy.

Qańqalardy kezektiqazba jumystary barysynda oblystyq izdeý jasaǵy taýyp, jer betine shyǵardy. Osydan77 jyl buryn Stalıngrad maıdanynyń tyly bolǵan Jánibek, Saıqyn, Shońǵaıstantsııalary jaý ushaqtarynyń tolassyz shabýylyna ushyrap turǵan. Adamdar qazatapqandardyń denelerin bomba oryndaryna tastap, topyraqpen asyǵys kómip otyrǵan.

Mamandardyń málimetinshe,endi maıdangerler súıekteriniń kimge tıesili ekendigi anyqtalýy tıis. Sebebitarıhı derekter boıynsha, dál osy №365 razezd mańynda 1942 jyldyń 4 qazanyndaStalıngradqa bet alǵan Tynyq Muhıty flotynyń teńizshileri mingen eshelonǵa bombatastalyp, 38 teńizshi baqılyq bolady.

Atap ótilgendeı, tabylǵantúımelerdegi zákirdiń sýretterine, ózge de buıymdarǵa qarap, bul jerteńizshilerdiń kómilgen orny deýge negiz bar.

«Tynyq Muhıty flotynyńteńizshileri bolýy múmkin. Sebebi, túıme tabyldy, onda zákirdiń sýreti bar. Bul arnaıyaıyrý belgisi. Qurlyq áskerinde gımnasterkalarynyń túımesinde árdaıym juldyzbolatyn. Al mynda, teńizshilerde zákirler bar. Sondaı-aq teńiz armııasynyńbýshlattarynyń ilgekteri tabyldy. Búgin ekeýin jer betine kóterdik. Jumystar jalǵasýda»,- dedi ólketanýshyJuban Ǵumarov.