BQO-da 1 myńǵa jýyq naýqas koronavırýstan úıinde emdelip jatyr
BQO Densaýlyq saqtaý basqarmasy málim etkenindeı, sonymen qatar oblys statsıonarlarynda 333 adam emdelýde.
Sonyń ishinde 155-i modýldik statsıonarda, 131-i oblystyq juqpaly aýrýlar aýrýhanasynda jatyr.
Statsıonarlar 31,4 paıyzǵa tolǵan.
Qazirgi kezde 29 emdelýshi aýyr halde, sonyń ishinde úsheýi ınvazıvti jasandy tynys alý apparatyna qosylǵan.
Sońǵy aptada aldyńǵymen salystyrǵanda, aýrý juqtyrý kórsetkishi 10,3 paıyzǵa tómendedi. Sońǵy táýlikte 21 naýqas tirkelse, 58 adam jazylyp shyqty.
Basqarma málimetine qaraǵanda, bıyl 28 468 adam koronavırýs juqtyrsa, sonyń 19 684-inde aýrý belgisi bar.
Sondaı-aq jyl basynan beri 2651 baladan indet tabylsa, sonyń 2563-i saýyǵyp shyqty. 88-i emdelý ústinde.
Pandemııa bastalǵannan beri oblysta barlyǵy 37 689 naýqas tirkeldi.
Óńirde turǵyndardy vaktsınatsııalaý jumysy jalǵasýda. Ótken táýlikte 593 adam birinshi komponentpen egildi.
Vaktsınatsııalaý naýqany bastalǵannan bergi kezeńde 223 233 adam birinshi komponentti qabyldady, bul – egilýge tıisti turǵyndardyń 62 paıyzy.
Eske sala keteıik, budan buryn BQO-da sońǵy tórt táýlikte 250-den astam adamnan koronavırýs tabylǵanyn, turǵyndardyń jartysynan kóbi ekpe saldyrǵanyn jazǵan bolatynbyz.