BQO bilim basqarmasyna jańa basshy taǵaıyndaldy

ORAL. QazAqparat - Oblys ákiminiń ókimimen jáne QR Bilim jáne ǵylym mınıstrliginiń kelisimimen Aıgúl Ádilgereıqyzy Myńbaeva BQO bilim basqarmasynyń basshysy bolyp taǵaıyndaldy, dep habarlaıdy QazAqparat tilshisi.

BQO ákiminiń baspasóz qyzmetinen túsken málimetke qaraǵanda, A.Myńbaeva 1963 jyly dúnıege kelgen.

Bilimi joǵary. A.S.Pýshkın atyndaǵy Oral pedagogıkalyq ınstıtýtyn matematıka jáne fızıka páni muǵalimi mamandyǵy boıynsha bitirgen.

Ár jyldary Fýrmanov aýdany Saraljyn orta mektebi fızıka jáne matematıka pániniń muǵalimi, Oral agrarlyq-tehnıkalyq kolledjiniń І sanatty oqytýshysy, BQO bilim basqarmasy orta jalpy bilim berý bóliminiń bas mamany, mektepke deıingi jáne orta jalpy bilimdi damytý bóliminiń bastyǵy, basqarma bastyǵynyń orynbasary, basqarma basshysy qyzmetterin atqardy.

2017 jyldyń maýsymynan bastap BQO tilderdi damytý basqarmasyna basshylyq etti.

Eske sala keteıik, budan buryn Prezıdenttik jastar kadr rezerviniń múshesi BQO ákiminiń orynbasary bolǵanyn jazǵan edik.