BQO balabaqshasynda 6 búldirshin skarlatınaǵa shaldyǵyp, bireýi qaıtys boldy

<p>BQO-nyń Tasqala aýdany ortalyǵy Tasqala aýylyndaǵy balabaqshada 6 búldirshinniń skarlatına dertine shaldyqqany belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

BQO sanıtarlyq-epıdemıologııalyq baqylaý departamentinen málim etkendeı, osyǵan baılanysty Tasqala aýdany bas memlekettik sanıtar dárigeriniń qaýlysymen atalǵan balabaqsha karantınge jabyldy.

Qazirgi kezde aýrý oshaǵynda epıdemıologııalyq tekserý jumystary júrip jatyr. 

BQO densaýlyq saqtaý basqarmasy baspasóz qyzmetiniń naqtylaýynsha, skarlatınaǵa shaldyqqan balalardyń bireýiniń jaǵdaıy aýyr.

Úsheýiniń jaı-kúıi ortasha.

Ókinishke qaraı, bir qyz bala kóz jumdy.

«Qyz bala óliminiń naqty sebebi patalogoanatomııalyq zertteý qorytyndysynan keıin belgili bolady» dep habarlady densaýlyq saqtaý basqarmasynan.