BQO aýmaǵyna qulaǵan zat zymyran bólshegi bolyp shyqty
Qaztalov aýdany ákiminiń orynbasary Nuretdın Qutqojınniń aıtýynsha, osy oqıǵany tekserý úshin Kapýstın ıAr áskerı polıgonynan da mamandar kelgen. Sol mamandardyń sózine qaraǵanda, qulaǵan shar tárizdes zat zymyrannyń otyn bagy eken.
Oqıǵa ornynda BQO ekologııa, qoǵamdyq densaýlyq saqtaý departamentteriniń mamandary bolyp, synama aldy.
BQO ekologııa departamenti basshysynyń orynbasary Murat Ermekqalıev málim etkendeı, radıatsııa men aýa quramy qalypty. Kúkirt, azot, kómirtegi oksıdi jáne kúkirtsýtegi boıynsha synamalar alyndy. Bulardyń qalypty mólsherden aspaǵany belgili boldy. Sonymen qatar, topyraqtan da synama alyndy, onyń qorytyndysy keıin belgili bolady.
Aıta keteıik, qazir Reseıge qaraıtyn Kapýstın ıAr polıgony 1946 jyldan beri jumys istep tur. Osyǵan baılanysty 1952 jyly Orda (qazirgi Bókeı ordasy) aýdany taratylyp, edáýir jeri áskerı polıgonǵa berilgen bolatyn. Sodan beri synaq alańynda raketanyń túr-túri synalyp keledi.
Budan buryn BQO aýmaǵyna shar tárizdes metall bólshegi qulaǵanyn jazǵan bolatynbyz.