BQO ákimi orynbasary isti bolǵanda nelikten otstavkaǵa ketpedi
Bıyl tamyz aıynda Batys Qazaqstan oblysy ákiminiń orynbasary Erjan Baltaev qyzmettik ókilettigin asyra paıdalanǵany úshin jumystan bosatylyp, jaýapqa tartylǵan edi.
«Bul másele qalaı boldy? Áleýmettik jelide osyndaı áńgime bolyp jatqanyn kórdik. Odan keıin orynbasarymdy shaqyryp, osy máseleni anyqtadym, qanshalyqty durys ekenin ózinen suradym. Biz komıssııa qurdyq. Sol komıssııa jumysynyń qorytyndysymen ol óziniń qyzmettik ókilettigin asyra paıdalanǵanyn moıyndap, túsinikteme jazdy. Soǵan baılanysty men onyń teris qylyqtary úshin jumystan bosattym. ıAǵnı sotqa deıin», - dedi N. Tóreǵalıev Astanada Ortalyq kommýnıkatsııalar qyzmetinde.
Ákimniń ózi de otstavka jóninde oılanǵanyn atap ótti.
«Memlekettik qyzmet týraly zańǵa sáıkes, eger meniń qaramaǵymdaǵy orynbasarym sol qylmysty jasaǵan merzim úsh aıdan asyp ketken jaǵdaıda 10 kún ishinde otstavkaǵa ótinim berýim kerek. Biraq ol qylmys jasalǵan kezde meniń kelgenime úsh aı bolǵan joq. Men 2022 jyldyń 2 jeltoqsanynda taǵaıyndaldym. ıAǵnı aqpan aıynda meniń kelgenime tek 2 aı bolǵan. Al qylmys jasalǵan merzim úsh aıdan asyp ketse, sáýir nemese maýsymda bolǵan jaǵdaıda men otstavkaǵa keter edim. Sondyqtan zańǵa sáıkes, otstavkaǵa ótinim bergen joqpyn. Zań bárimizge ortaq», - deıdi ol.
Sonymen birge, óńir ákimi Erjan Baltaevpen bolǵan jaıtty óte ókinishti ekenin, ózi men basqaryp otyrǵan ákimshiligi úshin óte uıat bolǵanyn aıtty.
«Aldaǵy ýaqytta osyndaı jaıttardy boldyrmaý úshin biz Sybaılas jemqorlyqqa qarsy kúres departamentimen birge jol kartasyn jasadyq. Oǵan qosa, sybaılas jemqorlyqqa jaqyn, qarajat kóp júretin memlekettik organdarmen birlesken buıryq arqyly biz ishki aýdıt júrgizip otyrmyz. Qurylys, bilim basqarmasy, osyndaı negizder bolyp qalady degen basqarmalarmen jemqorlyqqa qarsy departamentpen birlesip, osyndaı buıryqtar shyǵardyq. Іshki aýdıt te júrgiziledi», - deıdi N. Tóreǵalıev.
Buǵan deıin BQO ákimi óńirdegi kıik sanyn retteý jumystary týraly pikir bildirgen edi.