BQO ákimi senatorlardy qabyldady
Kezdesýde óńir basshysy senatorlardy oblysta qolǵa alynǵan jáne júzege asyrylǵan jobalarmen, memlekettik baǵdarlamalardyń oryndalý barysymen tanystyrdy. Ásirese, ındýstrııalyq-ınnovatsııalyq baǵdarlamaǵa, áleýmettik jańǵyrtý, aımaqty damytý máselelerine aıryqsha mán berildi.
Kezdesý sońynda Senat depýtaty Ǵarıfolla Esim aıtqanyndaı, óńirlerge mundaı jumys saparlary óte mańyzdy. Ol aldymen jergilikti jerdegi túıtkildi tustardy kózben kórip, tamyrshydaı tap basýǵa múmkindik beredi. Batys Qazaqstan oblysy eldi mekenderiniń 80 paıyzdan astamynyń gazdandyrylýyn senator óte jaqsy kórsetkish dep baǵalady. Sonymen qatar aldaǵy ýaqytta mundaǵy sýmen qamtý, jol salý, ekologııany jaqsartý máselelerine zań shyǵarýshy organ tarapynan qoldaý bolatyndyǵyn jetkizdi.