BQO ákimdigi pravoslavıe hrıstıandaryn Rojdestvo merekesimen quttyqtady

ORAL. QazAqparat - Búgin Oralda pravoslavıe dininiń ókilderi Rojdestvo meıramyn atap ótti, dep habarlaıdy «QazAqparat» HAA tilshisi.

Qutqarýshy Hrıst hramyna kelgenderdi oblys ákiminiń mindetin atqarýshy Arman Óteǵulov óńir basshysynyń atynan quttyqtap, elimizde tynyshtyq pen beıbitshilik, ultaralyq jáne dinaralyq kelisimniń saltanat qura berýine tilektestigin bildirdi. Elbasy el birligi - bizdiń basty baılyǵymyz ekendigin  únemi aıtyp keledi. Osy oraıda Rojdestvo pravoslavıe dinine senetinderdiń basyn biriktiretin izgilik meıramy retinde toılanady. Sondyqtan Máńgilik elge jetý jolynda adamgershilik qundylyqtaryn nasıhattaýdyń mańyzy zor.

Rojdestvo meıramyna oraı dinı sharalar qalanyń basqa da shirkeýlerinde, birqatar aýdandarda ótkizildi.