BQO Agrarlyq ýnıversıtetiniń ǵalymdary 55 mln teńge urlaǵan – Bas prokýratýra

<p>Batys Qazaqstan oblysynyń prokýratýrasy Jáńgir han atyndaǵy Agrarlyq-tehnıkalyq ýnıversıtetiniń ǵylymı qyzmetkerleri qarajat jymqyrdy degen kútikpen sotqa deıingi tergep-tekserý bastady.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly Bas prokýratýranyń resmı ókili Darhan Dúısembaıǵa silteme jasap habarlaıdy.</p>

Onyń aıtýynsha, Ǵylym jáne joǵarǵy bilim mınıstrligi asa qaýipti aýrýlardyń taralýy taqyrybynda ǵylymı zertteýler júrgizý úshin atalǵan ýnıversıtetke 55 mln teńge bólgen.

Zertteý nátıjeleri halyqaralyq konferentsııalarda talqylanyp, sodan keıin patenttelýi kerek edi.

«Alaıda ýnıversıtet ǵylymı zertteý jumystaryn formaldy júrgizgen jáne patent almaǵan.

Buǵan qaramastan, atqarylǵan jumystar týraly jalǵan akti jasalyp, bólingen qarajat urlanǵan.

Prokýratýranyń tapsyrmasy boıynsha qylmystyq isti Ekonomıkalyq tergep-tekserý departamenti tergeýde», - delingen usynylǵan málimette.