Bıznestiń jol kartasy boıynsha Atyraý oblysynda 172 joba júzege asýda

ATYRAÝ. QazAqparat - «Bıznestiń jol kartasy - 2020» baǵdarlamasy boıynsha jobalardy sýbsıdııalaý quny 12,6 mıllıard teńgeni qurady, dep habarlaıdy Atyraý oblystyq óńirlik kommýnıkatsııalar qyzmeti. 

Bıznes-konferentsııa barysynda Atyraý oblysyndaǵy kásipkerlik jobalarǵa qarjylyq jáne qarjylyq emes qoldaý kórsetý máselesi talqylandy. Jıynǵa halyqaralyq qarjy ınstıtýttarynyń 10-nan asa ókili qatysty. Sonymen qatar, «Báıterek» Ulttyq basqarýshy holdıngi ókili elimizdiń óńirlerinde shaǵyn jáne orta bızneske qoldaý kórsetýdiń túrli baǵdarlamalarynyń artyqshylyqtary týraly baıandap, Atyraý oblysynda kásipkerler sanynyń qarqyndy ósýin atap ótti. 

 Ótken jyly oblysta úılestirý keńsesiniń sheshimimen 89 jańa jobany qabyldasa, bıylǵy jyly jobalar sany 172-ge jetken. Osyǵan oraı, óńirde 811 jańa jumys orny quryldy. Memlekettiń qarjylyq qoldaýyna memlekettik granttar, kepildikter jáne sýbsıdııalar kiredi. Jergilikti bılik aýyl kásipkerlerine de qoldaý bildirip, jergilikti bıýdjetten shaǵyn nesıeler úshin de qarajat bólip otyr.

 - Jergilikti bıýdjetten oblys ákiminiń tikeleı bastamasymen shaǵyn jáne orta kásipkerlikti qarjylandyrýǵa 600 mıllıon teńge bólindi. Búgingi jıyn Atyraý oblysyndaǵy kásipkerliktiń damýyna jańa serpin beredi degen úmittemiz, - deıdi Atyraý oblystyq kásipkerlik jáne ındýstrııalyq-ınnovatsııalyq damý basqarma basshysynyń orynbasary Gúlzada Qaıyrǵalıeva.

Aıta ketsek, «Bıznestiń jol kartasy - 2020» baǵdarlamasy aıasynda júzege asqan jobalar sany ótken jylmen salystyrǵanda 93%- ǵa ósken.