Bıznestiń jol kartasy-2025: Semeıde kásipkerlerdiń 600-ge jýyq jobasyna qoldaý kórsetildi

SEMEI. QazAqparat – Semeı qalasynda «Bıznestiń jol kartasy-2025» memlekettik baǵdarlamasy aıasynda kásipkerlerdiń 597 jobasyna qoldaý kórsetilgen, dep habarlaıdy QazAqparat tilshisi.

Bul jaıly aqparat ortalyǵynda ótken baspasóz máslıhaty barysynda shahar ákimi Baqytjan Baıahmetov aıtyp berdi.

«Jyl basynan beri «Bıznestiń jol kartasy-2025» baǵdarlamasy sheńberinde 10,6 mlrd teńgeni quraıtyn 597 jobaǵa qoldaý kórsetilgen. 7,8 mlrd teńge somasynda 428 joba sýbsıdııalandy. Sondaı-aq 169 joba kepildendirilip, 7 jobaǵa 21,5 mln teńge mólsherinde grant berildi. Memlekettik bıýdjet esebinen kásipkerlik nysandaryna jetispeıtin ınfraqurylymdy tartý boıynsha 5 joba júzege asyp jatyr. Onyń ishinde Maı zaýytyna elektr jelisin tartý boıynsha uzyndyǵy 32 shaqyrymdy quraıtyn VL-110 qurylysy júrgizilip jatyr. Jobanyń jalpy somasy – 1,4 mlrd teńge», - dedi ol.

Sonymen qatar «Eńbek» jumyspen qamtýdy jáne jappaı kásipkerlikti damytý baǵdarlamasy aıasynda jańa bıznes-ıdeıalardy iske asyrýǵa qarjy jumyldyrylýda.

Naqty aıtqanda, 163 adamǵa - 95,1 mln teńgege memlekettik grant, 78 adamǵa - 684 mln teńge mólsherinde shaǵyn nesıe berilgen.