«Bıznestiń jol kartasy 2020» baǵdarlamasyna qatysýshylar 204 mlrd teńge salyq tóledi
Bul týraly búgin Úkimettiń selektorlyq rejimdegi otyrysynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.
«2017 jylǵa «Bıznestiń jol kartasy 2020» baǵdarlamasyn iske asyrýǵa respýblıkalyq bıýdjetten 49,1 mlrd teńge kózdelgen. Onyń 30 mlrd teńgesi jalpy sıpattaǵy transfertter arqyly bólindi. Ótken jyldyń qorytyndysy boıynsha Biryńǵaı baǵdarlamanyń qatysýshylar 204 mlrd teńge somaǵa salyq tóledi. Barlyq shyǵarylǵan ónim 3,3 trln teńgeni qurady, 47,5 myń jumys orny saqtaldy jáne quryldy»,- dedi ol.
Mınıstrdiń dereginshe, búgingi kúni syıaqy mólsherlemesin sýbsıdııalaý esebinen 1 024 kásipker jobalaryn qarjylandyrý jaǵdaıyn jaqsarta aldy. Arzandatylǵan kredıtter somasy 90,1 mlrd teńgeni quraıdy. Berilgen sýbsıdııalardyń jalpy kólemi 17,5 mlrd teńgege jetip otyr. 505 kásipker 17,1 mlrd teńge somaǵa kredıtter boıynsha kepildikterge qol jetkize aldy. Kepildikterdiń jalpy kólemi 6,8 mlrd teńgeni quraıdy. Jetispeıtin ınfraqurylym tartýǵa 15 mlrd teńge somaǵa shaǵyn jáne orta kásipkerlik sýbektileriniń 24 jobasy qarjylandyryldy.
«Jańa bıznes bastamalardy iske asyrý úshin 221,4 mln teńge somaǵa 114 memlekettik grant berildi. Kásipkerlik áleýetti kúsheıtý aıasynda búgingi kúni 14 myńnan astam jańa jáne jumys istep júrgen kásipkerler kásipkerlik negizderi boıynsha bıznes-taǵylymdama men oqytýdan ótti», - dedi Súleımenov.