Bıznestiń tekserilmeýi qaıǵyly oqıǵalardy arttyra ma - Mınıstrlik jaýaby
«2010 jyldan bastap qadaǵalaý salasyna taldaý júrgizdik. Eger de sol kezde 350 myń tekserý bolsa, qazirgi kezde 80 myń shamasynda. Tekserýler sanynyń azaıýy qaýipsizdikke áser etedi degen syndy jıi estip jatyrmyz. Degenmen de qaıǵyly oqıǵalardyń sany jyl saıyn bir deńgeıde saqtalyp keledi, sonymen birge 2014 jyly moratorıı jarııalanǵan bolatyn. Bizde jazataıym oqıǵalar 6-6,5 myń deńgeıinde», - dedi ol Ortalyq kommýnıkatsııalar qyzmetinde.
Onyń paıymynsha, negizgi jumysty tekserý sanyna emes, qaıǵyly oqıǵalardyń profılaktıkasyna jáne olardy tómendetýge baǵyttaý kerek.
«Bizdiń bızneske degen senimimizdiń artýy qoǵamdaǵy psıhologııalyq klımatty aıtarlyqtaı ózgertedi. Bul memleket pen bıznes arasyndaǵy jańa qarym-qatynas jáne ol senimge negizdelgen», - dedi S. Jumanǵarın.
Aıta keteıik, 24 mamyrda Memleket basshysy «Qazaqstan Respýblıkasynyń keıbir zańnamalyq aktilerine kásipkerlik qyzmetti retteýdi jetildirý máseleleri boıynsha ózgerister men tolyqtyrýlar engizý týraly» QR Zańyna jarııa túrde qol qoıdy.
Zań arqyly qazirgi 114 baqylaý salasynan 20 sala jáne 544 baqylaý qyzmetinen 108-i alynyp tastalady. Sondaı-aq Ákimshilik quqyqbuzýshylyq týraly kodekstiń 47 baby boıynsha baptar jáne ókiletti organdardyń ákimshilik is qozǵaýǵa quzyreti bolmaıdy.
«Bul Zań kóbinese kásipkerlik qyzmetti quqyqtyq retteýdiń sharttaryn jaqsartýǵa jáne kásipkerlerdiń búginde edáýir osal jeri bolyp otyrǵan quqyqtyq qatynastardaǵy quqyǵyn qorǵaýdy qamtamasyz etýge, olarǵa ákimshilik júktemeni azaıtýǵa múmkindik beredi», - dedi S.Jumanǵarın