Bıznesten qaıtarymdy talap etýim kerek - Nursultan Nazarbaev

PAVLODAR. QazAqparat - Shaǵyn jáne orta bıznesti damytý jáne olardyń iskerlik belsendiligin arttyrý úshin barlyq rezervterdi paıdalaný kerek. Bul týraly Qazaqstan Prezıdenti Nursultan Nazarbaev Pavlodarda ótken óńirdiń áleýmettik-ekonomıkalyq damýynyń qorytyndysyna arnalǵan keńeste aıtty, dep habarlaıdy QazAqparat tilshisi.

«Sońǵy Áleýmettik bastamalarda tabys salyǵyn múldem alyp tastadyq. Mıkronesıeler «Bıznestiń jol kartasy» boıynsha berilýde. Sýbsıdııalar bólinýde. Men bıznesten qaıtarymdy talap etýim kerek. Arttaryńyzdan júgirýdi doǵary qajet!», - dedi Elbasy.

Nursultan Nazarbaev shaǵyn jáne orta bıznes sýbektileri únemi shaǵymdanatyn máselelerge: avtobólshekterdiń, arnaıy kıimderdiń jáne basqa da resýrstardyń jetispeýshiligine nazar aýdardy.

«Onda tapsyrys berińder. Emdeý kerek, oqytý kerek, tazalaý kerek - kóp nárse qajet. Іri kásiporyndar óz aınalasynda mamandanbaǵan nemese aınalysa almaıtyn bıznesterdi ashyp jatyr. Ony jeleýretýge bolmaıdy», - dedi Memleket basshysy.

Prezıdenttiń pikirinshe, shaǵyn jáne orta bıznesti damytý jáne olardyń iskerlik belsendiligin kóterý úshin barlyq rezervterdi paıdalaný qajet.

«Men únemi kómektesip keldim. Tekserýlerge moratorıı engizdim. Іri memleketterde, mysaly Germanııa ekonomıkasynyń 70 protsentin shaǵyn jáne orta bıznes quraıtynyn únemi aıtamyn. Eger ónimder ótpeı jatsa, basqasyna aýysa alady. Shaǵyn jáne orta bıznesti damytýǵa jáne ashýǵa kómekteseıik. Memleketten qoldaý jetip jatyr ma? Taǵy ne isteı alamyz?», - dedi N.Nazarbaev.