Bızneske memlekettik qoldaý jasaıtyn tsıfrlyq platforma qurylady

ASTANA. QazAqparat - Qazaqstanda shaǵyn jáne orta bızneske memlekettik qoldaýdyń barlyq sharalaryn biriktiretin tsıfrlyq platforma qurylady. Osy baǵyttaǵy memorandýmǵa búgin QR Ulttyq ekonomıka mınıstri Tımýr Súleımenov jáne «Báıterek» ulttyq basqarýshy holdıngi men «Atameken» ulttyq kásipkerler palatasynyń ókilderi qol qoıdy, dep habarlaıdy QazAqparat.

Memorandýmda taraptardyń shaǵyn jáne orta kásipkerlikti memlekettik qoldaýdyń barlyq sharalaryn biriktiretin «Tsıfrlyq Qazaqstan» baǵdarlamasynyń aıasyndaǵy «bir tereze» qaǵıdaty boıynsha Biryńǵaı tsıfrlyq platforma qurý jóninde birlesken jumys júrgizetindigi aıtylǵan.

Sondaı-aq, taraptar shaǵyn jáne orta bıznesti memlekettik qoldaý sharalaryn ońtaılandyrý jáne avtomattandyrý úshin «bir tereze» qaǵıdaty boıynsha keıinnen Biryńǵaı tsıfrlyq platformaǵaa ıntegratsııalaný arqyly ózara árekettesedi jáne qajetti aqparatpen almasatyn bolady.