Bızneske keltirilgen shyǵyn somasy 103,7 mlrd teńgeden asty

NUR-SULTAN. QazAqparat - 12 qańtardaǵy jaǵdaı boıynsha, eldegi jappaı tártipsizdik kezinde bızneske keltirilgen shyǵyn somasy 103,7 mlrd teńgeden asty, dep habarlaıdy «Atameken» Ulttyq kásipkerler palatasy.

«Baılanys ortalyǵyna 4 833 qońyraý tústi, sonyń ishinde: maroderlyq máseleleri boıynsha – 1988, fors-major – 246, blok-beketter – 2, zardap shekken kásipkerlerdi qoldaý qory boıynsha – 17, bıznesti qalpyna keltirý jáne zardap shekken múlikti baǵalaý – 271, jeke tulǵalardan túsken qońyraýlar – 1946» delingen habarlamada.

Sondaı-aq, Ulttyq kásipkerler palatasy eldiń 11 óńirinde 1615 bıznes sýbekti zardap shekkeni anyqtalǵanyn, sonyń ishinde Almaty qalasynda 1506 sýbekt búlingenin málimdeıdi.

«Zardap shekken bıznes salalary: saýda – 1482; qoǵamdyq tamaqtaný – 44; qarjy sektory – 61; logıstıka – 23; BAQ – 5.

Shyǵynnyń jalpy somasy aldyn ala esepke sáıkes 103,7 mlrd teńgeden asty (Almatyda 102,2 mlrd teńge)» delingen habarlamada.

Aıat keteıik, myna óńirlerde kásipkerlik nysandary japa shekken:

1) Almaty qalasy

2) Almaty oblysy

3) Shymkent qalasy

4) Jambyl oblysy

5) ShQO

6) Qyzylorda oblysy

7) Atyraý oblysy

8) Qaraǵandy oblysy

9) Pavlodar oblysy

10) Mańǵystaý oblysy (qosylǵan aımaq)

11) Aqtóbe oblysy (qosylǵan aımaq)