Bızneske azyq-túlik taýarlarynyń óndirisin ulǵaıtýǵa qoldaý kórsetý qajet - Smaıylov

ASTANA. QazAqparat – Jergilikti jerlerde bızneske azyq-túlik taýarlarynyń óndirisin ulǵaıtýǵa barynsha qoldaý kórsetý qajet. Bul týraly Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Óńirlerde forvardtyq satyp alý, turaqtandyrý qorlary, aınalym shemasyn qoldaný, monopolııaǵa qarsy jáne saýdadaǵy retteý sharalarynyń iske asyrylýyn erekshe baqylaýda ustaý mańyzdy. Jergilikti jerlerde bızneske azyq-túlik taýarlarynyń óndirisin ulǵaıtýǵa, saqtaý kólemin keńeıtýge, logıstıkaǵa, óńdeý ónerkásibindegi jobalardy iske asyrýǵa barynsha qoldaý kórsetý qajet», - dedi Álıhan Smaıylov búgin Úkimet otyrysynda.

Sonymen qatar Premer-Mınıstr Saýda mınıstrligi Ulttyq ekonomıka jáne Aýyl sharýashylyǵy mınıstrlikterimen birlesip, keshendi is-sharalardyń oryndalýyn naqty úılestirýdi qamtamasyz etýi tıistigin basa aıtty.

«Memlekettik organdardyń ózara is-qımylyn jaqsartý qajet. Aı saıyn jaýapty memlekettik organdarmen birlesip, Keshendi is-sharalardyń oryndalý barysyn qarap, tıisti sheshimder qabyldaımyz», - dedi Úkńimet basshysy.