Bıznes júrgizý úshin neǵurlym qolaıly jaǵdaı jasalady – Erulan Jamaýbaev
«Qarjy mınıstrligi Prezıdenttiń saılaýaldy baǵdarlamasy men Úkimettiń keńeıtilgen otyrysy sheńberinde berilgen tapsyrmalardyń dereý oryndalýyn qamtamasyz etý úshin kelesi is-sharalardy qabyldaýda. Kóleńkeli ekonomıkanyń úlesin Ekonomıkalyq yntymaqtastyq jáne damý uıymy elderiniń deńgeıine – 2025 jyly jalpy ishki ónimge 15 paıyzǵa deıin tómendetý jónindegi jalpy basym mindetke qol jetkizý úshin júıeli negizde qajetti is-sharalar qabyldanyp jatyr. Іske asyrylyp jatqan is-sharalardyń ishinde negizgi quraldardyń biri Taýarlardy qadaǵalaýdyń ulttyq júıesiniń tolyqqandy jumys isteýi bolyp qala beredi. Ol úshin qoldanystaǵy aqparattyq júıeler jańartylyp, memlekettik organdardyń jáne ekinshi deńgeıdegi bankterdiń derekqorlarymen keń ıntegratsııalaý júrgizilýde», - dedi ol.
Onyń atap ótýinshe, shekaralas eldermen, Shanhaı yntymaqtastyq uıymyna múshe memleketterdiń keden qyzmetterimen jáne basqa seriktestermen onlaın rejımde aqparat almasý jolǵa qoıylyp jatyr.
«Kóleńkeli aınalymnyń qysqarýyna qolma-qol aqshasyz tólemder kóleminiń ulǵaıýy jáne halyqtyń kiristerin jalpyǵa birdeı deklaratsııalaýdy engizý úlken áser etedi. Salyq-keden zańnamasy men ákimshilendirýdi odan ári jetildirýdiń arqasynda, onyń ishinde tsıfrlandyrý arqyly bıýdjetke qosymsha túsimder qamtamasyz etiledi jáne bıznesti júrgizý úshin neǵurlym qolaıly jaǵdaılar jasalatyn bolady», - dedi Erulan Jamaýbaev.