Bıznes jaýapsyz jarnamaǵa mıllıondaǵan qarjy jumsap otyr - QR UEM

ASTANA. QazAqparat - Qazaqstan naryǵynda jumys isteıtin keı kompanııalar jaýapsyz jarnama úshin mıllıondaǵan qarjysyn jumsap jatqan jaıy bar. Bul týraly Senat qabyrǵasynda ótken jıynda Ulttyq ekonomıka vıtse-mınıstri Serik Jumanǵarın aıtyp berdi, dep habarlaıdy QazAqparat tilshisi.

Ulttyq ekonomıka vıtse-mınıstri óz basymdyǵyn alǵa tarta beretin el ishindegi uıaly baılanys operatorlarynyń teketiresin mysalǵa keltirdi.

«Olardyń qaısysy myqty, qaısysy nashar ekenin eshkim rastaǵan joq. Bul - qoqys jarnamalar. Olarǵa osyǵan deıin úsh mıllıon teńgeniń aıyppuly salynyp qoıdy. Olar tipti sotqa da barmaı, birden aqshasyn tóleıdi. Demek, bul jaýapsyz jarnama degen sóz», - dedi vıtse-mınıstr Parlament Senatynyń ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda «Jarnama týraly» zań jobasyn qorǵaı otyryp.

Ol jańa jobada jaýapsyz, jalǵan ári jasyryn jarnama úshin arnaıy jaýapkershilik bekitý kózdelip otyrǵanyn eske saldy. Sonymen birge, engizilgeli jatqan tártip boıynsha tele jáne radıoarnalarda kúndelikti áleýmettik jarnamalardy ornalastyrý kózdelgen. Sonymen birge, aldaǵy ýaqytta telearnalardy praım-taım ýaqytynda 12 mınýttyq áleýmettik jarnama kórsetýge mindetteý kózdelgen.

«Qazirgi ýaqytta telearnalardyń keshki efıri jarnamaǵa tolyp tur. Bul otandyq aýdıtorııanyń sheteldik arnalarǵa aýysyp ketýine ákelip soǵady. Osyǵan baılanysty saǵat 18:00-23:00 aralyǵynda ár saǵat saıyn jarnamanyń ýaqyty 12 mınýttan aspaýy kerek», - deıdi vıtse-mınıstr.