Bıznes úshin salyq qyzmetteriniń sapasyna qanaǵattaný deńgeıi - 87 paıyzdy qurady - QR QM Salyq komıteti

ASTANA. QazAqparat - 2013 jyldyń qorytyndysy boıynsha barlyq ákimshilik isterdiń 95 paıyzynda eskertý jasaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Qarjy mınıstrligi Salyq komıtetiniń tóraǵasy Ánýar Jumadildaev málim etti.

«2013 jyldyń 1 qańtarynan bastap jańa norma engizildi, onda birinshi ret quqyqbuzýshylyq jasaǵan adamdar aıyppul ornyna «eskertý» jasaý engizildi. 2013 jyldyń qorytyndysy boıynsha barlyq ákimshilik isterdiń 95 paıyzynda eskertý jasaldy. Bul, quqyqbuzýshylyqpen kúresý emes, onyń is júzinde aldyn alýdyń pármendi tetigi bolyp tabylady»,- dedi komıtet basshysy.

Belgili bolǵandaı, nátıjesinde 10,7 mlrd. teńge mólsherindegi aqshalaı qarajat bıýdjetke tólenbeı qaldy, alaıda olar sonymen birge kóbisi bastaýysh shaǵyn bıznes sýbektileri bolyp tabylatyn kásiporyndarda aınalymda qaldy.

«Jalpy, qabyldanǵan sharalar bıznes klımatqa oń áser berdi, muny táýelsiz áleýmettik saýalnama nátıjeleri de rastaıdy. Bıznes úshin salyq qyzmetteriniń sapasyna qanaǵattaný deńgeıi 87 paıyzdy, al halyq úshin onyń deńgeıi 86 paıyzdy qurady», - dedi Á. Jumadildaev