Bıznes talaptaryn barynsha jeńildetý qajet - Rýslan Dálenov
«Іskerlik belsendilikti qalpyna keltirý boıynsha qabyldanyp jatqan sharalardy eskere otyryp, ortalyq jáne jergilikti atqarýshy organdar kelesi aspektilerge nazar aýdarýy qajet. Birinshiden, bıznesti júrgizý úshin, ásirese shekteý sharalary áser etken salalarda rásimder men sharttardy barynsha jeńildetý, ekinshiden, iskerlik belsendilikti qoldaý úshin ákimdikter janyndaǵy óńirlik shtabtardyń bıznes suranystaryna jedel den qoıý, úshinshiden, ekonomıkany ekinshi deńgeılik bankter kredıtteýi kezinde bıznesti memlekettik qoldaý sharalaryn paıdalanýdy jandandyrý kerek», - dedi mınıstr.
Sonymen qatar ol jergilikti atqarýshy organdardyń sapaly ınvestıtsııalardy tartýy boıynsha belsendi jáne maqsatty jumys jasaý kerektigine nazar aýdartty.
«Besinshiden, jumyspen qamtýdyń jol kartasy aıasynda qurylatyn jumys oryndary boıynsha monıtorıngti kúsheıtý jáne turaqty jumyspen qamtý úlesin ulǵaıtý qajet. Altynshydan, tutyný taýarlarynyń baǵalaryn erekshe baqylaý jáne turaqtandyrý qorlarynyń tetikterin paıdalaný arqyly maýsymdyq aýytqýlarǵa jol bermeý kerek. Jalpy oryndalyp jatqan sharalar áleýmettik-ekonomıkalyq turaqtylyqty qamtamasyz etýde», - dedi Rýslan Dálenov.