Bıznes sýbektileri 600 mlrd teńge qosylǵan qun salyǵyn qaıtara almady
Búgin Úkimet otyrysynda Qarjy mınıstri Mádı Tákıev qosylǵan qun salyǵyn jedel qaıtarýdy qamtamasyz etýge múmkindik beretin taldamalyq júıe ázirlengenin aıtty.
«Sońǵy eki aıda biz eksporttaýshylarǵa qosylǵan qun salyǵyn qaıtarý boıynsha bereshektiń jalpy somasynyń shamamen jartysyn bıýdjetten qaıtardyq. Bul jumys jalǵasady», — dedi ol.
Premer-Mınıstr 2023 jyly qosylǵan qun salyǵy bızneske qaıtarylǵanymen bıznes sýbektileri 600 mlrd teńgege jýyq qarajatty ala almaǵanyn atap ótti.
«Bul — taýarlar eksportyn júzege asyratyn 485-ke jýyq kompanııa. ıAǵnı, bıznes aınalym qarajatynan aıyrylyp qaldy. Bul degenimiz — kásipkerlerdiń quqyǵyn buzý. Osyǵan baılanysty Qarjy mınıstrligi qosylǵan qun salyǵynyń rastalǵan somasyn bızneske qaıtaryp, qosylǵan qun salyǵyn qaıtarý rásimin ońaılatý jóninde shara qabyldaýy qajet», — dedi O. Bektenov.
Bul rette Premer-Mınıstr qaıtarylǵan qosylǵan qun salyǵynyń somasyn óz kásibin jańǵyrtýǵa jáne keńeıtýge qaıta ınvestıtsııalaýdy kózdeıtin tetikterdi pysyqtaýdy tapsyrdy.