Bıznes-ımmıgranttarmen quqyqtyq qarym-qatynasty retteý tetikteri jetildiriledi

ASTANA. QazAqparat – Bıznes-ımmıgranttarmen quqyqtyq qarym-qatynasty retteý tetikteri jetildiriledi. Bul jaıynda Senat depýtattarynyń saýalyna Qarjy mınıstri Erulan Jamaýbaevtyń jaýabynda aıtylǵan, dep habarlaıdy QazAqparat tilshisi.

«Úkimet bıznes-ımmıgranttarmen quqyqtyq qarym-qatynasty retteý tetikterin jetildirý boıynsha túzetýler ázirledi. Atalǵan túzetýler sheteldikterdiń zańdy tulǵany tirkeý tártibin, sonymen qatar eger, Qazaqstan Respýblıkasy ratıfıkatsııalaǵan halyqaralyq sharttarda ózgeshe belgilenbese, zańdy tulǵalardyń qatysýshylarynyń quramyna kirý (qaıta tirkeý) arqyly bıznes-ımmıgrant retinde kelýge vızasy bar sheteldikterdi, qazaq jáne orys tilderine notarıaldy kýálandyrylǵan aýdarmasymen qatysý arqyly kommertsııalyq uıymdardyń jarǵylyq kapıtalyna qatysýdy kózdeıdi», - dep atap ótedi Qarjy mınıstri jaýabynda.

Erulan jamaýbaevtyń atap ótýinshe, Úkimet reglamentine sáıkes, atalǵan túzetýler múddeli memlekettik organdardyń kelisýine jiberilgen.