Bıznes-forým: Qazaqstan men Tájikstan arasynda birqatar salaǵa qatysty qujat bekitildi

ASTANA. QazAqparat – Búgin elordada Qazaqstan-Tájikstan bıznes-forýmy barysynda birqatar salaǵa qatysty qujattarǵa qol qoıyldy, dep habarlaıdy QazAqparat tilshisi.

Bekitilgen kelisimsharttardyń jalpy somasy 2 mlrd AQSh dollaryna jýyq qarajatty qurap otyr.

Bıznes-forým barysynda myna qujattarǵa qol qoıyldy:

- «Altai EXPORT» JShS men «Anko Invest» kompanııasy arasynda kúnbaǵys tuqymyn jetkizý;

- «Novaıa AZS» JShS men «TALKO» toby munaı koksyn jetkizý;

- «EXPORTER» JShS men «Hýbcham Invest» kompanııasy soıa jetkizý;

- «K-Oil» JShS men «Anko Invest» kúbaǵys maıyn, tuqymyn jetkizý;

- «Sinegor trade» JShS men «Avesta Grýpp» kompanııasy arasynda astyq ónimderin satyp alý salasyndaǵy memorandýmǵa;

- Azyq-túlik kelisimshart korporatsııasy men Tájikstan Úkimeti janyndaǵy memlekettik materıaldyq rezervi jónindegi agenttik arasynda 50 myń tonna bıdaı jetkizý;

- «Arsellor Mıtal» AQ men «Nord Azııa Metall» kompanııasy yntymaqtastyq týraly kelisimge;

- «Shynǵar Trans» JShS men «TALKO» toby glınozem jáne munaı koksy boıynsha júk tasymaldaý qyzmetterin kórsetý;

- KASE men Ortalyq Azııa qor bırjasy arasynda yntymaqtastyq týraly memorandýmǵa;

- Qaz Textile Indusrty men «Kýlob» ekonomıkalyq aımaǵy yntymaqtastyq týraly memorandýmǵa;

- «Bateerfly effect» JShS men «Avesta Grýpp» kompanııasy IT saladaǵy yntymaqtastyq týraly memorandýmǵa;

- «Talas Investment Company» JShS men «Aprelevka» kompanııasy natrıı tsıanıdin jetkizý;

- Synergy CH men «Mavsım ı K» yntymaqtastyq týraly memorandýmǵa;

- «Qaztsınk» JShS men Tájikstan-Qytaı taý-ken ónerkásiptik kompanııasy yntymaqtastyq týraly memorandýmǵa.

Aıta keteıik, búgin túske deıin eki el bıznesiniń ókilderi birqatar qujatty bekitken bolatyn.

Tájikstan premer-mınıstriniń orynbasary Sýlaımon Zıezoda Qazaqstanmen arada tyǵyz qarym-qatynasqa qatysty pikir bildirdi.

Bul turǵyda ol Tájikstan Qazaqstanmen dostyq qarym-qatynasty joǵary baǵalap otyrǵanyn aıtty.