Bizdiń mindet – AITV juqtyrǵan adamdardyń ómir súrý sapasyn jaqsartý - Nuráli Amanjolov

NUR-SULTAN. QazAqparat – «Stıgma ındeksin» zertteý kórsetkendeı, AITV (aǵzanyń ımmýn tapshyly vırýsy) juqtyrǵan adamdar kóp jaǵdaıda medıtsınalyq mekemelerde stıgmaǵa ushyraıdy.

Bul týraly Ortalyq kommýnıkatsııalar qyzmetinde ótken onlaın brıfıngte AITV-men ómir súretin adamdardyń Ortalyq Azııa qaýymdastyǵynyń prezıdenti Nuráli Amanjolov aıtty, dep habarlaıdy QazAqparat tilshisi.

«Maǵan «Jahandyq Yntymaqtastyq. Ortaq jaýapkershilik» urany unaıdy. Báribiz birge kúsh jumyldyrsaq, pandemııany toqtatamyz. AITV-men ómir súretin adamdardyń Ortalyq Azııa qaýymdastyǵy AITV ınfektsııasymen aýyratyn adamdardy biriktiredi. Bizdiń mindet – AITV juqtyrǵan adamdardyń ómir súrý sapasyn jaqsartý. Biz aýyrǵan adamdarmen jumys istep, profılaktıkalyq baǵdarlama jasaýmen aınalysamyz jáne olarǵa psıhologııalyq qoldaý kórsetip, emdelý úshin jigerlendiremiz», - deıdi AITV-men ómir súretin adamdardyń Ortalyq Azııa qaýymdastyǵynyń prezıdenti Nuráli Amanjolov.

Onyń aıtýynsha, AITV-men aýyratyn adamdardyń kóbi medıtsınalyq mekemelerde stıgmaǵa tap bolady.

«2015-2016 jyldary biz «Stıgma ındeksi» dep atalatyn zertteý jumysyn júrgizdik. Zertteý nátıjesi kórsetkendeı, bul dertpen aýyratyndardyń kóbi medıtsınalyq uıymdarda stıgmaǵa tap bolady. Biz ony boldyrmaýdyń joldaryn qarastyramyz. Biz ony emdeıtin dári-dármek baǵasyn arzandatýǵa, emdeý hattamasyn jaqsartýǵa tyrysamyz», - deıdi ol.