Bizdiń maqsatymyz Qazaqstandy óziniń azyq-túlik ónimderimen qamtamasyz etý-N. Nazarbaev
Keshe Aqordada respýblıkalyq BAQ ókilderine bergen suhbatynda Memleket basshysy Nursultan Nazarbaev osylaı málimdedi.
«Bul bizdiń aýyldarymyzdy gúldendirý men damýytýǵa serpin beredi», - dep atap ótti Prezıdent.
Elbasy aýyldy órkendetý Qazaqstandy damýdyń 2020 jylǵa deıingi strategııalyq baǵdarlamasyndaǵy mańyzdy mindetterdiń biri ekenin atap ótti. «Sońǵy 5 jyl ishinde aýyldy kórkeıtýge arnalǵan baǵdarlamalarǵa respýblıkalyq bıýdjetten 670 mıllıard teńge bólingen. Bul qarajattyń 2005 jylǵymen salystyrǵanda 4 esege jýyq óskenin kórsetedi. «QazAgronyń» ınvestıtsııalyq jobalaryn júzege asyrýǵa 120 mıllıard teńge jumsalǵan. Nátıjesinde 27 joba qoldanysqa berilip, 1200 jumys orny ashyldy. Sonymen qatar, mańyzdy áleýmettik jobalar iske asyrylýda, mektepter men aýrýhanalar salynyp, myńdaǵan aýyl taza aýyz sýmen qamtamasyz etildi», dedi - Prezıdent.
Memleket basshysy endigi mindet - aýyl sharýashylyǵynyń ári qaraı damýyn qamtamasyz etý ekenin aıryqsha atap kórsetti. «Máselen, 2016 jylǵa qaraı Qazaqstannyń ishki naryǵyn tolyq qamtamasyz etýmen birge, shetke 60 myń tonna et eksporttaý kózdelip otyr», - dedi Elbasy.