Bizdiń árqaısysymyz qaharman bola alamyz jáne bolýǵa tıispiz! - Azamattyq Alıans pen «Birligimiz jarasqan!», «My - odna komanda!» syılyǵy qoǵamdyq keńesiniń úndeýi

ASTANA. Qazannyń 7-si. QazAqparat - Keshe «Birligimiz jarasqan!» ulttyq syılyǵynyń tusaýkeseri ótti, dep habarlaıdy Azamattyq Alıans pen «Birligimiz jarasqan!», «My - odna komanda!» syılyǵy qoǵamdyq keńesinen.

Aıta keter jaıt, syılyq qaharmandaryn olardyń azamattyq, moraldyq jáne rýhanı erlikterin óz kózimen kórgen belgili adamdar tańdaıdy. Olardyń arasynda tanymal qazaqstandyqtar - qoǵam qaıratkerleri, jýrnalıster, mádenıet jáne ǵylym qaıratkerleri, sportshylar bar.

Syılyq qoǵamǵa qyzmet etýdegi joǵary jetistikteri, kásibı qyzmettegi tabystary, qaırymdylyq pen azamattyq erlikteri, otan súıgishtigi úshin beriledi jáne memlekettik nemese saıası marapat bolyp tabylmaıdy.

Árbir qalaýshy óz kandıdatyn onyń adamgershiligin nemese erligin sıpattaı otyryp usyna alady. Syılyqtyń nomınanttary Qazaqstannyń qoǵamdyq, áleýmettik ómirine jáne rýhanı-adamgershilik qundylyqtarynyń damýyna baǵa jetpes úles qosqan kez kelgen azamat nemese qazaqstandyq top bola alady.

Bizdiń árqaısysymyz óz ornymyzda kún saıyn úlkendi-kishili, biraq jarqyn da tamasha ister atqaramyz. Otbasymyz úshin, elimiz úshin, dostarymyz úshin. Bizdiń adamdardyń tirshilik kúshiniń kody - bizdiń jerimizdiń ulylyǵy men aıbarynyń kody osynda!

Batyrlar bizdiń aramyzda! Bizdiń árqaısysymyz qaharman bola alamyz jáne bolýǵa tıispiz! Al basymyz birikken bizder - tek qana alǵa qadam basqan qazaqstandyqtardyń ortaq myqty tobymyz! Birligimiz jarasqan!

Qurmetti qazaqstandyqtar! Qymbatty otandastar!

Shynymen de azamattyq erlik jasaǵan óz jaqyndastaryńyzdy, dostaryńyzdy, áriptesterińizdi usynyńyz! Qoǵam, el jáne týǵan ólke ıgiligi úshin sóz júzinde emes, is júzinde aıanbaı eńbek etedi.

El óz qaharmanyn bilýi kerek!

Syılyqqa óz nomınanttaryńyzdy usyný úshin Sholpan Baıbolovaǵa habarlasyńyz, tel: [phone] nemese email [e-mail] , ınternet portaldary www. khabar.kz, www.ktk.kz

Nomınanttar týraly hattardy (aty-jónin, erlikteri men jetistikterin, baılanys nómirlerin) 050051 Almaty qalasy, Dostyq dańǵyly 91/ 1, №3 a/j meken-jaıyna jiberýlerińiz qajet.

Azamattyq Alıanstyń baılanys telefony: 8 7172 21 41 05.