Bizdi úlken synaq pen qaýip kútip tur – Aıdos Sarym
«Meniń oıymsha, bizdi aldaǵy ýaqytta 5, 6 úlken synaq pen qaýip kútip tur. Onyń biri – eldegi ınfraqurylymdyq daǵdarys. 60,70 jyl boıy jumys istegen ınfraqurylym júıeleri birinen keıin biri jarylyp jatyr. Bul úlken tehnologııany, úlken qarajatty, soǵan qajetti qoǵamdyq pikirdi qajet etedi. Halyqpen aıtysa alatyn, halyqqa óziniń ýájin kez kelgen ýaqytta dáleldeı alatyn shendiler qajet» - dedi ol.
Sondaı-aq Aıdos Sarym ekinshi qaýip eldegi ekologııalyq másele ekendigine toqtaldy. Al, maman tapshylyǵy men ǵylymı zertteý jumystaryn júrgizetin ortalyqtardyń joqtyǵynan eldiń aldaǵy ómirine boljam jasaý qıyndyq týdyryp otyr.
«Ekologııalyq jaǵdaı birinen keıin biri bolyp jatyr. Qazaqstanda sý máselesi bar. Qazaq tabıǵatqa tyrnaq batyrmaǵan halyq. Sol sebepti Araldy da saqtap qaldy. «10 jyldan keıin ne bolady?» degen suraqqa jaýap beretin adam joq. Elimizde kóne jazbalardy oqıtyn ǵalymdardyń sany jetpeı jatyr. Mura bar. Murany damytatyn, zertteıtin, oqıtyn, zerdeleıtin mamandar joq» - dedi ol.
Halyq qalaýlysy bul máselelerdi sheshý úshin gýmanıtarlyq salaǵa qarjy bólip, zertteý jumystaryn júrgizý keregin aıtty.
«Jalpy Ulttyq quryltaıda kóptegen usynys, naqty oı aıtylyp jatyr. Osynyń barlyǵyn topshylaıtyn, shyn máninde ultqa qajetti, ulttyń bolashaǵyna qaýip tóndiretin nárselerdi talqylaýǵa negizdelsek, áldeqaıda tıimdi bolar edi dep oılaımyn. Qarapaıym ekonomıkamyz ne bolady? Ǵylymı ekspertıza, ǵylymı kompetentsııa degen bizde múldem joq. Ǵalymdar shyn izdenýi kerek. Shyndyqty aıtý, shynaıy saıasat júrgizý degen másele kóp aıtylyp jatyr» - dedi Aıdos Sarym.