Bizdi tek ɵz jaýapkershiligimiz ǵana saqtap qalady - Jaınagúl Qusaıynova

NUR-SULTAN. QazAqparat - Koronavırýs indetinen bizdi tek óz jaýapkershiligimiz ǵana saqtap qalady. Mundaı pikirdi «S.Seıfýllın atyndaǵy Qazaq agrotehnıkalyq ýnıversıteti» AQ Basqarma tóraǵasynyń orynbasary, fılologııa ǵylymdarynyń doktory Jaınagúl Qusaıynova bildirdi, dep habarlaıdy QazAqparat tilshisi.

«Ókinishke oraı, elimizde aty jaman indet kúnnen-kúnge ɵrship jatyr. Osy aýrýdyń shyǵýyna baılanysty naýryz aıynda tótenshe jaǵdaı jarııalanǵanda, kópshiliktiń kúmánmen qarap, senbegeni de jasyryn emes. Endi ózderińiz tanıtyn qanshama adamdar otbasyndaǵy bala-shaǵasymen, týǵan-týystarymen jappaı osy indetti juqtyryp, qatty aýyryp jatqany belgili. Aýyrǵan adamdarmen betpe-bet kelip, olardyń ɵmirin saqtap qalý úshin jantalasyp júrgen aq halatty abzal jandar - dərigerlerge de ońaı emes. Olar bar múmkindikterinshe adamdarǵa qyzmet kórsetýde. Biraq emdeýshi dárigerlerdiń de densaýlyqtaryna qaýip tónýde»,- dedi ol.

Jaınagúl Qusaıynova halqymyzdyń amandyǵyn, otbasymyzdyń densaýlyǵyn oılasaq, quzyrly mekemeler aıtyp jatqan shekteýlerge mán berip, karantındik talaptardy qatań oryndaý kerektigin basa aıtady.

«Bul sonshalyqty qıyn emes qoı. Qazirgi ýaqytta bizdi tek ɵz jaýapkershiligimiz ǵana saqtap qalady. Bir-birimizge janashyrlyqpen qarap, bir-birimizdiń densaýlyǵymyzdy baǵalap, osy derttiń etek alýyn toqtatýǵa kómek kórseteıik. Biz birgemiz! QazATÝ jastary karantındik talaptardy oryndaıdy! Óz bolashaǵymyz úshin indetke qarsy birgemiz!», - dedi Jaınagúl Aıtmaǵanbetqyzy.