Bizdi bir-birimizben biriktiretin de, baýyr etetin de babalarymyzdyń bostandyq jolynda tógilgen qany- N. Nazarbaev

ASTANA. 14 jeltoqsan. QazAqparat - Bizdi bir-birimizben biriktiretin de, baýyr etetin de babalarymyzdyń bostandyq jolynda tógilgen qany dep bilemin. Búgin Táýelsizdik kúni merekesi saltanatyna arnalǵan jıynda Qazaqstan halqyna Joldaý arnaǵan Memleket basshysy Nursultan Nazarbaev osylaı málim etti.

«Qazaqstannyń 2050 jylǵa deıingi jańa strategııalyq baǵdaryn júzege asyrýda qazaq halqyna aıryqsha jaýapkershilik júkteledi. Taǵylymy mol tarıhymyz ben uly babalarymyzdyń ulaǵatty ómirinen alar tálimimiz arqasynda biz aldaǵy asýlardan alqynbaı asa alamyz. Údeýdiń syry - birlikte, júdeýdiń syry - alaýyzdyqta. Osydan úsh ǵasyr buryn Ańyraqaıda bolǵan uly shaıqasta ata-babalarymyz birliktiń qudyretiniń qandaı bolatynyn ózine de ózgege de dáleldegen bolatyn. Syn saǵatta týǵan eline degen perzenttik paryzdar bárinen joǵary turdy. Sol shaıqasta tógilgen qan, barsha qazaqtyń tamyrynda bar qan edi. Solaı ǵoı. Bul bizdiń babalarymyzdyń qany. Bizdi bir-birimizben biriktiretin de, baýyr etetin de babalarymyzdyń bostandyq jolynda tógilgen osy qany dep bilemin», - dedi Nursultan Ábishuly.

Sonymen qatar, Prezıdent eldik murat jolyndaǵy uly erlik qaı ýaqytta da babalarymyzdyń boıynan tabylǵanyn atap ótti.