Bizde joǵary tehnologııaly medıtsınalyq quraldardyń qyr-syryn biletin bilikti maman tapshy - Prezıdent
«Bizde joǵary tehnologııaly medıtsınalyq qural-jabdyqtyń qyr-syryn biletin bilikti maman tapshy. Bul máseleni Ulttyq keńestiń múshesi Táttigúl Talaeva kótergen bolatyn. Densaýlyq saqtaý júıesine qajet tehnıkalyq kadrlardy daıarlaý isin qolǵa alǵa jón. Mamandardy, ásirese bıoınjenerdi oqytýǵa medıtsınalyq tehnıka shyǵaratyn kompanııalardy barynsha tartý kerek. Medıtsınalyq qural-jabdyqtardy kútip ustaý asa mańyzdy. Bul jumyspen keshendi túrde aınalysý qajet. Úkimetke medıtsınalyq tehnıkany jóndep, onyń durys jumys isteýin qamtamasyz etý máselesin jan-jaqty qarastyrýdy tapsyramyn. Bul saladaǵy jumys júıelense, bıýdjet shyǵyny azaıady», - dedi Memleket basshysy.
QR Prezıdentiniń atap ótýinshe, densaýlyq saqtaý mekemelerindegi tehnıka buzylyp, bosqa turmaýy qajet.
«Jalpy, bilim sapasy jaqsarsa, tutas ulttyń básege qabileti artady. Osy salaǵa salynǵan ınvestıtsııa bolashaqta eselep qaıtady. Jastardyń tabysqa jetýine jáne el ıgiligi úshin eńbek etýine jol ashylady», - dedi Qasym-Jomart Toqaev.