#BizBirgemiz volenterleri «Halyq alǵysy» medalimen marapattaldy
Saltanatty shara barysynda partııa Tóraǵasynyń birinshi orynbasary Baýyrjan Baıbek sońǵy birneshe aı ishinde Nursultan Nazarbaevtyń bastamasymen qurylǵan «Birgemiz» qory arqyly 550 myń eń muqtaj otbasyǵa tikeleı qarjylaı qoldaý kórsetilgendigin aıtty. 5 myńnan astam maska tegin taratyldy. «Nur Otan» partııasy men Tuńǵysh Prezıdent qory arqyly shamamen 300 myń otbasy azyq-túlik jáne eń birinshi qajetti taýarlar aldy. Onyń atap ótýinshe, osynaý aýqymdy jumysty volenterlerdiń kómeginsiz atqarý múmkin emes edi.
«Búgin maǵan Memleket basshysy Qasym-Jomart Kemeluly Toqaevtyń atynan sizderge «Halyq alǵysy» arnaıy medalin tabys etý mártebesi buıyryp tur. Sizder ózderińizdiń densaýlyqtaryńyz ben qaýipsizdikterińizdi táýekelge sala otyryp, birneshe aı boıy muqtaj qazaqstandyqtarǵa kómektestińizder. Túrkistan oblysynyń Maqtaaral aýdanyn sý basqanda da zardap shekken turǵyndarǵa kómektesý úshin eń birinshi attanǵandardyń qatarynda boldyńyzdar. Sizderge azamattyq belsendilikterińiz ben baýyrmaldylyqtaryńyz úshin rahmetimdi aıtamyn. Sizderdiń basym kópshiligińiz partııaishilik praımerızimizge de belsene qatysatyndyqtaryńyzǵa senimdimin», - dedi ol.
Volenterlerge Memleket basshysynyń atynan medaldarmen qatar elimizdiń Tuńǵysh Prezıdenti Nursultan Nazarbaev beınelengen jáne qoltańbasy qoıylǵan lımıttelgen fýtbolkalar tabys etildi.