Biz jospardy 90 paıyzǵa oryndadyq – Qazaqstannyń short-trekten bas bapkeri
«Olımpıada kestege saı ótip jatyr. Alda áli shańǵy, short-trek, konkı jáne taý shańǵysynan jarys bar. Osyǵan deıingi nátıjege kelsek, Abzal Ájiǵalıev medalǵa sál ǵana jetpeı qaldy. Degenmen tórtinshi oryndy ıelenýdiń ózi ońaı emes. Úlken jetistik dep bilemiz. Jalpy short-trek sporty alǵa jyljyp keledi. Árıne, jankúıerler de, biz de medal kúttik», - dedi Qazaqstannyń ulttyq olımpıada komıteti sport dırektsııasynyń dırektory Elsııar Qanaǵatov Beıjińnen onlaın formatta ótken baspasóz máslıhatynda.
Sondaı-aq, Beıjiń olımpıadasynda short-trek sportynyń nátıjesine qatysty Qazaqstan ulttyq qurama komandasynyń bas bapkeri Mádiǵalı Qarsybekov kásibı maman retinde óz pikir bildirdi.
«Short-trek jarysynyń kóbi aıaqtaldy. Endi 1,5 shaqyrymdyq qashyqtyq qana qaldy. Erteń sportshymyz Olga Tıhonova júgiredi. Árıne Abzala balamyzǵa sáttilik jetispeı qaldy, Denısten de úlken úmit kútkenbiz. Denıs burylys kezinde tehnıkalyq qatelik jiberdi. Áıtpese, fınalǵa shyǵyp medalǵa talasatyndaı-aq sportshy edi. Jazda álem kýbogyna qatysyp sportshylarymyzdyń shymyrlyǵyn shyńdaǵan bolatynbyz. Biz jospardy 90 paıyzǵa oryndadyq», - deıdi ol.