Biz jeńil ónerkásibin umytqan sııaqtymyz - Prezıdent
17:24, 27 Qańtar 2012
ASTANA. 27 qańtar. QazAqparat /Arman Asqarov/ - 2011 jyly elimizdiń jeńil ónerkásibi men farmatsevtıkasy baıaý damydy.
Búgin Úkimet úıinde jumys keńesin ótkizgen Prezıdent Nursultan Nazarbaev osy máselege toqtaldy.
«Farmatsevtıka boıynsha bireń-sarań jumystar atqaryldy, biraq jeńil ónerkásibi týraly biz múldem umytqan sııaqtymyz. Ońtústik Qazaqstan oblysynda is-qımyldyń sál-pál kórinisteri baıqalady. Degenmen, bul jumyspen naqty aınalysyp jatqan bireý joq. Biz teri men júndi óńdemeımiz. Nege? Osy máseleni baqylap jatqan bireý bar ma? Ekonomıkalyq damý jáne saýda mınıstrligi osy máseleni sheshedi dep senemin», - dedi N.Nazarbaev.
Prezıdent atap kórsetkendeı, Indýstrııalandyrý kartasy aıasynda iske asqan jobalardyń 60 paıyzǵa jýyǵy agroónerkásip pen qurylys ındýstrııasyna tıesili.