Biz jastarǵa jańa múmkindikter berýimiz kerek - Qasym-Jomart Toqaev

NUR-SULTAN. QazAqparat - Prezıdent Qasym-Jomart Toqaev Túrkistan jurtshylyǵymen kezdesýde Jastar týraly sóz qozǵady, dep habarlaıdy QazAqparat Aqordanyń tvıtterdegi paraqshasyna silteme jasap.

"Elimizdiń jastary men talantty azamattary memlekettik qyzmette ilgerileý úshin arnaıy kadrlyq baǵdarlama daıyndaımyz. Bolashaǵymyz jastardyń qolynda! Elimizdiń erteńi de – jastar! Biz jastarǵa jańa múmkindikter berýimiz kerek. Bul – bıznes ashý, bilim alý, jumysqa ornalasý, tabys tabý degen sóz. Óz ómirin jaqsartýǵa, mansaby boıynsha joǵarylaýǵa arnalǵan áleýmettik lıftter is júzinde jumys isteýi kerek. Bizdiń elimizde básekege qabiletti ári talantty jastar kóp. Sondyqtan, osyndaı kreatıvti jastarǵa keńinen jol ashyp, jaǵdaı jasaý kerek. Olar jastyq shaqtyń kúsh-qaıratyn egemen elimizdi órkendetýge jumsaıdy dep senemiz", - delingen Aqordanyń tvıtterdegi paraqshasynda.