«Biz - Uly dala elimiz» - baspasózge sholý

ASTANA. QazAqparat - ASTANA. QazAqparat - «QazAqparat» halyqaralyq aqparattyq agenttigi 3 shilde, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

Elbasy telekópir barysynda ındýstrııaly Qazaqstanǵa jańa brendtik ataýdyń qajet ekendigin aıtty, dep habarlaıdy «Egemen Qazaqstan» gazeti.

Aıta keteıik, keshe Astanadaǵy «Kórme» ortalyǵynda Memleket basshysy Nursultan Nazar­baev­tyń qatysýymen elimiz­degi «Nurly Jol» jáne ındýstrııalyq-ınno­vatsııalyq damý memle­kettik baǵ­darlamalaryn júzege asyrýǵa arnalǵan dástúrli telekópir ótkizildi. Munda, sonymen qatar, Úkimettiń atalǵan baǵdarlamalar bo­ıynsha esebi tyńdaldy.

«Elbasy sóziniń sońyna taman halyqpen oı bóliskendeı bolyp, qarqyndy damyp kele jatqan Qazaqstanymyzdy álemge tanytatyndaı biregeı brendtiń jetispeı turǵanyn da tilge tıek etip ótti. «Ádette, Japonııany - kún­shy­ǵys eli, Koreıany - tańǵy shyq eli, Nıderlandyny - qyzǵal­daq­tardyń otany, Qytaıdy - aspanasty eli dep jatamyz. Qazaqstanǵa da osyndaı ataýly brend jetispeıdi. Biz - Uly dalanyń perzentterimiz. Bizdiń babalarymyz osy dalada ómir súrip, kókke tabynǵan. Táńiri degenimizdiń ózi - kók aspan. Bizdiń týymyzdyń kók tústi bolýynyń astarynda da osyndaı syr bar. Biregeı kók tús - elimizdiń birliginiń belgisi. En­deshe, bizge nege ózimizdi Uly dala elimiz dep atamasqa», - degen oılaryn bildirdi. «Mine, osy tarıhymyz ben jańa brendti baılanystyra otyryp, biz Qazaqstandy jańa Qazaqstan retinde tanytýymyz kerek», - dedi N.Nazarbaev. Bul týraly «Biz - Uly dala elimiz» atty maqalada jazylǵan.

Búgin qazaqstandyq tuńǵysh shoıyn alynǵanyna - 55 jyl, dep jazady «Egemen Qazaqstan». «Ár dáýirdiń, ár kezeńniń este qalar oqıǵalary bar! Ýaqyt degenniń ózi qas-qaǵym sát bolǵandyqtan, kóz aldyńda tarıhqa aınalatyny sııaqty 1960 jyldyń 3 shildesiniń de elimiz shejiresine jazylǵanyna týra 55 jyl bolǵan eken. Onyń ereksheligi nede delingende, Temirtaýda býyrqana bastaǵan metallýrgııa alybynyń tynysyna tyń kúsh bitirýshi birinshi domna peshi kómeıinen shoıyn seliniń sarqyrap aǵýy Qazaqstan ekonomıkasynyń damýynda jańa betburys jasalǵandyǵyn bildirdi», - delingen «Domna júreginiń dúrsili» atty materıalda.

«Ortalyq Qazaqstan aımaǵynda úlken metallýrgııa zaýytyn salý ıdeıasy ótken ǵasyrdyń 30-shy jyldarynda alǵa qoıylǵan edi. Bul máseleni geolog-ǵalymdar Qanysh Sátbaev pen Mıhaıl Rýsakov áldeneshe ret kóterdi. Alaıda, sol kezde shıkizat bazasy tolyq zerttele qoımaǵandyqtan, KSRO Qara metallýrgııa halyq komıssarıaty usynystarǵa biraz jyldan soń ǵana mán bere bastady. Aqyrynda soǵys órtiniń órship turǵan shaǵyna qaramastan saıyn dalanyń tósinde 1943 jyly salalyq kásiporyn salý týraly sheshim qabyldanyp, qurylys jumystary qolǵa alyndy. Kishigirim tsehtardyń ósýine baılanysty 1957 jyly alǵashqy domnanyń irgetasy qalandy. Búkilodaqtyq ekpindi komsomoldyq qurylys bolyp jarııalanýy da osy kez. Jan-jaqtan aǵylǵan jastardyń jalyndaǵan kúshimen eki-aq jylda iske qosyldy. Tuńǵysh shoıyn mine, osy peshte qorytyldy», - dep jalǵastyrady maqala avtory.

***

«Otandastarymyz Ýnıversıadaǵa attandy» dep jazady «Aıqyn» basylymy. «Búgin Ońtústik Koreıanyń Kvandjý qalasynda XXVIII jazǵy Dúnıejúzilik ýnıversıadanyń alaýy tutanady. 170 memleket ókilderiniń basyn qosatyn jarysta 12 000 sportshy baq synap, 21 sport túri boıynsha 272 júldeler jıyntyǵy sarapqa salady. Aıtýly doda 14 shildege deıin sozylady», - delingen maqalada.

Jalpy tórtkúl dúnıeniń ár qıyrynan jınalǵan stýdentter akademııalyq esý, badmınton, basketbol, beısbol, voleı­bol, golf, dzıýdo, jeńil atletıka, júzý, kórkem gımnastıka, qol doby, nysana kózdeý, sadaq atý, semserlesý, sporttyq gım­nastıka, sý doby, sýǵa sekirý, taek­vondo, tennıs, ústel tennısi, fýtbol se­kil­di sport túrleri boıynsha saıysqa tú­sedi. Qazirgi kezde Kvandjý qalasy Dú­nıejúzilik ýnıversıadany qabyldaýǵa tolyqtaı ázir. Uıymdastyrý­shylardyń aıtýynsha, bul jarystyń asa joǵary deńgeıde ótetinine esh kúmán bolmaýǵa tıis.

«Aıqyn» gazetiniń bas betine N. Nazarbaevtyń «Ómir ótkelderi» atty suhbat kitabyna Qazaqstannyń qurmetti jýrnalısi, gýmanıtarlyq ǵylymdar akademııasynyń akademıgi Sarbas Aqtaevtyń jazǵan maqala-retsenzııasy jaryqqa shyǵyp otyr.

«Halqymyzdyń rýhanı qazynasy taǵy bir tamasha týyndymen tolyqty. Elbasymyzdyń «Ómir ótkelderi» atty suhbat kitaby oqyrmanǵa jol tartty. Bul janry da, jazylýy da bólek, jalpy ádebıetimizde buryn-sońdy bolmaǵan múlde tyń týyndy. Ras, suraq-jaýap tásilimen jazylǵan bir-eki romannyń erterekte jaryq kórgeni bar. Al mynandaı kórkem kósemsózdiń qunarly tilimen kestelenip, qundy derektermen, daýsyz dáıektermen baıytylǵan suhbat kitabynyń dúnıege kelýi tuńǵysh ret», - delinedi «Barsha jurtty súıedi baýyrym dep...» atty maqalada.

"Prezıdentimizdiń suhbat kitabyn oqyp shyǵyp, onyń ózin almastaı alýan túspen jarqyraıtyn jańa qyrynan kórgendeı bolyp otyrmyn. Onyń telegeı teńiz bilimi men biligine, san myń tsıfrdy shashaý shy­ǵarmaı saqtaǵan jadynyń utqyrlyǵyna, ulylardyń ulaǵatty sózderin marjandaı tizgen zerdesiniń júıriktigine qaıran qal­dym. Kól-kósir rýhanı baılyq qoı bul, baılyq! Sarqylmas rýhanı qazyna ǵoı bul, qazyna! Sýyrtpaqtap syr tartyp, sol qazynanyń kiltin ashqan qalamger ǵalym Saýytbek inime de myń da bir alǵys», - dep jazady retsenzııa avtory.

***

«Túrkistan» gazeti tanymal qazaq rejısseri Rústem Ábdirashevpen bolǵan suhbatty jarııalady. Onda ol negizinen Qazaq handyǵynyń 550 jyldyǵyna oraı túsirilip jatqan fılmge kóp toqtalady.

«Rejısser retinde sol kezeńdegi jaǵdaıdy bastan qaıta keshkendeı kúıde otyrmyn. Elbasynyń Іlııas Esenberlın jazǵan «Kóshpendiler» trılogııasyn negizge alyńdar degen nusqaýy bar. Kóp dúnıeni osy kitaptan almaqpyz. Budan bólek, tarıhshylardyń zertteý eńbekterine súıendik. Tarıhty oqyp zertteý, akter tabý, kıindirý, sol zamannyń bolmysyn qalpyna keltirý úlken jumys. Biraq, tap osyndaı serıal túsiretin shaqta aldymyzdan daǵdarys shyǵa kelgeni qıyn boldy. Serıalǵa bólingen qarajat jetkiliksiz, ýaqyt tyǵyz. Sizderdiń de «Túrkistan» gazeti atynan kelip, mán-jaıdy bilip jatqandaryńyz úlken demeý. Serıaldy qolǵa alǵaly beri jan-jaqtan jyly lebizder, qoldaýlar bolyp jatyr. Alys-jaqyn shetelderden, Mońǵolııa, Qytaıdan qandastarymyz habarlasýda. Bári de osy serıaldyń jaqsy shyǵýyna tilekshi. Jan júregi qazaq deıtin talaı azamat Malaızııadan, Sınga­pýr­den habarlasyp, tilekterin aıtty. Serıalǵa túsip qalsaq, batyr bolsaq, atqa minsek degen qanshama qazaq keldi. Budan sezgenim, Qazaq handyǵy týraly serıal el kútken, ultqa kerekti joba eken. Mysaly, osyǵan deıin talaı jobalardy júzege asyrdyq. Ózimmen ózim, ujymmen jumys jasap otyratyn edim. Al bul serıalǵa árbir qazaq úlesin tıgizip, qatysyp qalǵysy keledi», - delingen «Rústem Ábdirashev, kınorejısser: Halyqtyq qoldaý qajet» atty suhbatta.

*** «Ekspress K» basylymy «Obrechennye vlastıý» atty maqalasymen Semeıdegi sheneýnikterdiń tıisti kásibı biliktilikke qaramastan, qyzmetterin jıi aýystyrý máselesine nazar aýdarady.

«Semeıdegi sheneýnikterdiń ómirbaıanyn muqııat qaraıtyn bolsaq, adam óz ómirindegi maqsatyn belsendi izdep júr dep túsinýge bolady», - delingen maqalada.

«Máselen, Gúljan Altynbekova qalalyq bilim berý bólimshesin basqarǵan bolsa, birneshe aılar buryn ekonomıka jáne bıýdjettik josparlaý bólimshesiniń tizginin qolǵa alǵan. Altynbekova bunyń aldynda Petropavlda júrip te osyndaı shalt «qımyldarǵa» boı aldyrǵan. Ol jerde de bilim berý bólimin basqaryp, keıin qarjy bólimine aýysyp ketken. Eger dıplomyń bolsa, nege kóship-qonyp júrmeske?!

Dene shynyqtyrý jáne sport bólimin Semeıde Murat Qurjyqaev basqarady. Resmı málimetter boıynsha, Murat Musahanuly bilimi boıynsha tarıh muǵalimi jáne zańger eken. Buryn bul kóp qyrly sheneýnik Turǵyn úı kommýnaldyq sharýashylyǵy bólimine basshylyq etipti. Sondaı-aq jumyspen qamtý jáne áleýmettik baǵdarlamalar bólimine meńgerýshi boldy jáne uıymdastyrý-kadrlyq bólimniń basshysy qyzmetin atqardy», - delingen maqalada.